ज्याक ग्रेलिस पहिलो पटक इंग्लयाण्डको टिममा

१६ भदौ, काठमाडौं । एस्टन भिल्लाका मिडफिल्डर ज्याक ग्रेलिस पहिलो पटक इंग्ल्याण्डको सिनियर टिममा परेका छन् । मार्कुस रासफोर्ड र ह्यारी विङ्क्सले टिमबाट नाम फिर्ता लिएपछि ग्रेलिसले गारेथ साउथगेटको टिममा स्थान बनाएका हुन् ।

युइएफए नेसन्स लिग अन्तर्गत इंग्ल्याण्डले आइसल्याण्ड र डेनमार्क विरुद्ध खेल्ने टोली घोषणा भएको हो ।

२४ वर्षीय ग्रेलिसले यसअघि यंग्लयाण्डको यू-२१ टोलीबाट खेलिसकेका छन् । उनी सन् २०१६ मा साउथगेटकै टुलुन टुर्नामेन्ट जित्दाको टिममा थिए ।

यस्तै कोनोर कवएडी र अइन्सले मइटलान्ड नाइल्सलाई पनि शनिवार टिममा कल गरिएको थियो ।

ग्रेलिसले इंग्ल्याण्डको टिममा पर्नु आप्नो लागि सपना पूरा भएको बताएका छन् ।

इंग्लिस टिम

गोलकिपर : डिन हेन्डरसन जोर्डन पिकफोर्ड निक पोव

डिफेण्डर : ट्रेन्ट अलेक्जान्डर आर्नोल्ड, कोनोर कोडी, एरिक डायर, जोए गोमेज, माइकल किन, अइन्सले मइटलान्ड नाइल्स, ट्राइओन मिङ्ग्स, किरन ट्रिपिएर, केल वाल्कर

मिडफिल्डर : फिल फोडेन, मासन माउन्ट, केल्भिन फिलिप्स, डेक्लान रिस, जेम्स वार्ड प्रोवस, ज्याक ग्रेलिस

फरवार्ड : टमी अब्राहम, मासोन ग्रीनउड, ड्यानी इङ्ग्स, ह्यारी केन, जाडोन सान्चो, रहिम स्ट्रलिङ