चीनमा खानेकुरा नष्ट नगर्न र खाद्य सुरक्षाको कुरा किन गरिदैछ ?

चीनका राष्ट्रपति सि जिनपिङले यही महिना ‘क्लीन योर प्लेट क्याम्पेन’को नयाँ संस्करण सार्वजनिक गरे र मान्छेहरुलाई खानेकुरा नष्ट नगर्नका लागि आग्रह गरे । यसका साथै उनले कम खर्च गर्न पनि प्रोत्साहित गरे ।

चीनको सरकारी समाचार पत्र ग्लोबल टाइम्सको रिपोर्ट अनुसार चि जिनपिङले खानेकुरा नष्ट गर्नुलाई ‘दुखदायी र निरासजनक’ बताउँदै यस मुद्दामा जागरुकता फैलाउनुपर्ने बताए । उनले भनेका छन्, यस्तो सामाजिक वातावरण तयार गरौं कि जसमा खानेकुरा नष्ट गर्नुलाई लाजको विषय मानियोस् ।

चाइना ग्लोबल टेलिभिजन नेटवर्कले जिनपिङलाई उद्गृत गर्दै भनेको छ, ‘अहिलेसम्म चीनले पर्याप्त उत्पादन गर्दै आएको छ तर अहिलेपनि खाद्य सुरक्षाको लागि जागरुकता फैलाउन जरुरी छ । कोभिड–१९ हाम्रा लागि अलार्म जस्तै हो ।’

सरकारी सञ्चार माध्यामले राष्ट्रपति जिनपिङको कुरालाई तुरुन्तै अनुसरण गर्दैै विभिन्न मञ्च मार्फत खानेकुरा बर्बाद नगर्नका लागि सर्वसाधरणलाई प्रोत्साहित गरिहेका छन् । यसका लागि सरकारी मिडियाले तथ्यांक पनि बताइरहेका छन् । उक्त तथ्यांक अनुसार चीनका उपभोक्ताले सन् २०१५ मा ठूला शहरहरुमा १७ देखि १८ टनसम्म खाना बर्बाद गरेका थिए ।

चीनका अर्का सरकारी संचार माध्याम सीसीटीबले ति व्यक्तिहरुको आलोचना गरेका छन् जो आफ्ना प्रशंसकका लागि लाइभ स्ट्रिमिङ गर्दै धेरै खानेकुरा सेवन गर्छन् र पछि वान्ता गरिदिन्छन् । यसले मान्छेमा गैरजिम्मेवारी बढाएको र यस्तो व्यवहारले खाद्य संकट निम्त्याउनेतर्फ सूचित गरिएको छ ।

चीनका संचार माध्यामले कोभिड–१९ वा केही प्रान्तमा प्राकृतिक विपत्तीको कारण अन्नबाली नष्ट भएर खाद्य संकट आएको कुरामा भने कुनै कुरा उप्काएको छैन । तर, चीनको खाद्य उत्पादन, सलहको प्रकोप र महामारीको असरलाई राम्ररी नियन्त्रणमा राखिएको छ । सरकारी संचार माध्यामले वर्षाको कारण मुलुकको दक्षिणी भेगमा आएको बाढीले अन्नबाली नष्ट भएपनि खाद्य सुरक्षाको मोर्चामा चीन पूर्ण रुपमा तयार छ । विभिन्न प्रकोप एवं विपत्तीको बावजूत पनि आगमी दिनमा राम्ररी अन्नबाली सप्रने कुरामा आवश्वस्त भएको बताइन्छ । चीनका संचार माध्यामले के पनि उल्लेख गरेको छ भने मुलुकमा धान, गहुँ र अर्को अन्नपातको पर्याप्त भण्डार बाँकी छ । साथै यसपाली धान उत्पादन अरु बढ्ने कुरा पनि बताइएको छ । चीनको कृषि मन्त्रालयको तथ्यांक उल्लेख गर्दै चीनमा सन् २०१९ मा कुल अन्न उत्पादन ६६६ मिलियन टन भएको बताइन्छ ।

चीनका टेलिभिजन च्यानल सीजीटीएनका अनुसार यसमा २१० मिलियन टन चामल र १३४ मिलियन टन गहुँ छ । जबकी अहिले मुलुकमा चामलको खपत १४३ मिलियन टन र गहुँको खपत १२५ मिलियन टन छ ।

ग्लोबल टाइम्सको रिपोर्टमा लेखिएको छ कि चीनका लागि महामारी वा बाढीको कारण हुने खाद्यन्न अभाव भन्दा ठूलो संकट खानेकुरा नष्ट गर्ने प्रवृत्ति हुनसक्छ ।

बिबिसीबाट भावनुवाद