१७ भदौ, जनकपुरधाम । सिरहामा दुई वटा मोटरसाइकल आपसमा ठोक्किँदा दुई जनाको मृत्यु भएको छ ।
सिरहा नगरपालिका ११ भलुवाहीस्थित सिरहा–चौहर्वा सडक खण्डमा सिरहाबाट चोहर्वातर्फ जाँदै गरेको स ४ प ४६१० नम्बरको र विपरीत दिशातर्फ जाँदै गरेको स ४ प ७९२१ नम्बरको मोटरसाइकल बुधबार राति सवा ७ बजेतिर आपसमा ठोक्किएका थिए । दुर्घटनामा दुवै मोटरसाइकल चालकको मृत्यु भएको हो ।
दुर्घटनामा गम्भीर घाइते भएका स ४ प ७९२१ नम्बरको मोटरसाइकल चालक सिरहाको धनगढीमाई नगरपालिका १० बस्ने ५१ वर्षीय दीपक कुमार पंजियार र स ४ प ४६१० नम्बरको मोटरसाइकल चालक सिरहा नगरपालिका ९ गुलरीया बस्ने ३५ वर्षीय सिल्टु ठाकुरको मृत्यु भएको सिरहाका प्रहरी प्रवक्ता विनोद घिमिरेले जानकारी दिए ।
पंजियारलाई उपचारका लागि जिल्ला अस्पतालमा पठाएकोमा उनको उपचारकै क्रममा र ठाकुरलाई उपचारको लागि लहान तर्फ पठाएकोमा बाटोमै मृत्यु भएको घिमिरेले बताए ।
ठाकुरले चलाएको मोटरसाइकलको पछाडि सवार सिरहा नगरपालिका ९ गुलरीया बस्ने ३५ वर्षीय जितेन्द्र महरा भन्ने शिव कुमार महरा घाइते भएका छन् । उनको भुमिजा अस्पताल लहानमा उपचार भइरहेको छ । घटनाबारे अनुसन्धान भइरहेको प्रहरीले जनाएको छ ।
एक टिप्पणी भेजें
0 टिप्पणियाँ