२० पुस, काठमाडौं । अन्तर्राष्ट्रिय नेपाली कविता प्रतियोगिता २०२० का विजेताहरूलाई पुरस्कार वितरण गरिएको छ ।
प्रतियोगिता आयोजक अन्तर्राष्ट्रिय नेपाली साहित्य समाज(अनेसास)केन्द्रीय कार्यसमिति र अनेसास नेपालले प्रज्ञाभवन कमलादीमा पुरस्कार वितरण गरेका हुन् ।
विराटनगरकी राधिका गुरागाईंको ‘इन्द्रेणी सपनाहरू’ प्रथम, उदयपुरका जीवन आरोहीको ‘निमन्त्रणा ‘ दोस्रो, झापाका केशव भट्टराईको ‘पर्खाइ’ तृतीय र खोटाङका शुभचन्र्द राईको ‘कथाको पात्र’ र अमेरिकाको मिजौरी निवासी कल्पना तामाङको ‘विभेदको पानी’ शीर्षकका कविता सान्त्वना स्थान प्राप्त गरेका थिए ।
प्रथमलाई ५००, दोस्रोलाई ३००, तेस्रोलाई २०० र चौथो र पाँचौँलाई १००/१०० अमेरिकी डलर र प्रमाणपत्र प्रदान गरिएको छ ।
पुरस्कार वितरण कार्यक्रममा कल्पनाबाहेक सबै उपस्थित थिए । कल्पनालाई अमेरिकामै पुरस्कार प्रदान गरिने आयोजक अनेसासले जनाएको छ ।
पुरस्कार वितरण कार्यक्रम नेपाल प्रज्ञा प्रतिष्ठानका पूर्वउपकुलपति डा.विष्णुविभू घिमिरेको प्रमुख आतिथ्यमा सम्पन्न भएको हो ।
एक टिप्पणी भेजें
0 टिप्पणियाँ