कञ्चनपुरमा साढे ४ लाखको अवैध सामान बरामद

१७ जेठ, धनगढी । सशस्त्र प्रहरीले भारतबाट अवैधरुपमा ल्याउँदै गरेको साढे ४ लाख बढीको सामान बरामद गरेको छ ।

सशस्त्र प्रहरी बल नेपाल नम्बर ३५ गण हेडक्वाटर शैलेश्वरी कञ्चनपुर मातहतका बोर्डर आउट पोष्ट (बीओपी) पचुई, बयलबन्दा, दोधाराचाँदनी, झिलमिला र थापा चोकबाट खटिएको टोलीले सीमामा गस्ती गर्ने क्रममा अवैध ४ लाख ६६ हजार बराबरको अवैध सामान बरामद गरेको हो ।

सशस्त्र प्रहरी बल नेपाल नम्बर ३५ गण शैलेश्वरीले चिनी, किरानाका सामान, मल, बिउविजन, मैदा, खेत जोत्ने हैरो, माछा र मोटरसाइकल बरामद गरिएको जनाएको छ ।

बरामद गरिएका माछा आवश्यक कारबाहीका लागि पशु क्वारेन्टाइन बेलौरी र अन्य सामान भन्सार कार्यालयमा बुझाइएको छ ।